प्रकाण्डका सहयोगीको बयान : प्रहरीले संकटकालमाझैँ आँखामा पट्टी बाँधेर पाइपले कुट्यो

कमल बुढा, अनलाइन तहल्का

काठमाडौं ।

नेपाल कम्युनिष्ट पार्टीका प्रवक्ता प्रकाण्डलाई प्रहरीले गिरफ्तार गरेपछि प्रहरी कार्यालय टेकु पुगेको इमान्दार मिडियासँग उनका सहयोगी हरिसचन्द्र आचार्यले प्रहरीले दिएको यातनाबारे गम्भीर खुलासा गरेका छन्  ।

मंगलबार राति साढे ७ बजे काठमाडौंको चोभारबाट प्रकाण्डसँगै गिरफ्तार परेका सहयोगी आचार्यले प्रहरीले साँझ साढे सात बजे गिरफ्तार गरेलगत्तै आँखामा पट्टी बाधेर अज्ञात स्थलतिर लगेर याताना दिएकोबारे यसरी बेलिबिस्तार गरे ।

पार्टी कामको सिलसिलामा आफ्नै गाडीमा हिडिरहनुभएका प्रवक्ता कमरेड प्रकाण्डलाई प्रहरीले लामै समयदेखि पछ्याएको जस्तो देखिन्छ । हामी गाडीमा आउदै थियौं । एक्कासी प्रहरीले गाडी रोक्यो । एकैछिनमा हामीलाई हतार हतार आफ्नो गाडीमा राख्यो र आँखामा पट्टी बाँधिदियाे । आँखामा पट्टी बाँधेपछि हामीलाई कहाँ लगिदैछ ? के गरिदै छ भन्ने केही अत्तोपत्तो भएन ।

नियन्त्रणमा लिएलगत्तै बाधिएको हाम्रो आँखाको पट्टी बुधबार बिहान साढे ९ बजेसम्म खोलिएन । राति कहाँ-कहाँ लगेर राखियो भन्नेबारे मलाई सम्झना नै छैन । प्रहरीले राति यति धेरै टर्चर दियो की भनेर साध्य नै छैन । निक्कै निर्दयी तरीकाले बेस्सरी कुट्यो ।

पाइपले पिटाई खाँदा संकटकाल याद आयो

त्यो पाइपले पिटाई खाँदा त संकटकालको झझल्को झल्झली आयो । आँखामा पट्टी बाँधेको छ, खुट्टा, पिठ्यूँ र टाउकोमा पाइपले हिर्काएको छ रातभर । पछि  मलाई भुइँमामा लडायो अनि दुइ जना प्रहरीले मेरो खुट्टादेखि टाउकोसम्म खचाखच टेक्यो । प्रहरीको बुटले टेकेको शरीर थिलथिलो भएको महशुस भैराछ ।

बिहान म उठ्नै नसक्ने अवस्थामा थिए । छाती भित्रैसम्म दुखिरहेको छ । पछाडीपट्टि पिठ्यूँको हड्डी पुरै भाचिएको जस्तो गरी दुखेको छ ।

नेताहरुको नाम लिस्ट राखेर कुट्दै सोधियो  

प्रकाण्डका सहयोगी आचार्यलाई प्रहरीले पाइपले पिट्दै यातना दिँदा नेकपाका केही उच्च तहका नेताहरुको नाम लिस्ट हातमा लिएर बयान लिएको बताएका छन् ।

प्रहरीले खास गरी ९ जना उच्च तहका नेताहरुको नाम लिदै यिनीहरु को-को हुन् ? कहाँ-कहाँ छन् ? केन्द्रीय समितिको बैठक कहाँ बसेको हो ? लगायतका बिषय सोधेर निकै मानसिक यातना दिएको बताएका छन् । आचार्यका अनुसार प्रहरीले खासगरी विषम, कन्चन, सुदर्शन, भनेका को हुन् भन्दै यातना दिएको थियो ।

आचार्यले इमान्दार मिडियासँग भने- "मलाइ राती बेस्सरी यातना दिदा प्रहरीले राती नै मार्छ झैँ लागेको थियो । यति कुट्यो की म कसरी बयान गरु त्यसको कुनै सिमा नै छैन यो यातनाको बयान गर्ने कुनै सब्द नै पाइरहेको छैन । यो त हद भयो । फरक राजनितिक पार्टीसँग आस्था राखेकै भरमा यसरी चरम दमन गर्ने हो भने यसको परिणाम के होला ? तपाई आफै अनुमान गर्नुहोस् ।...."

यसैबीच प्रवक्ता प्रकाण्डलाई पाँच दिनको म्याद थप गरिएको छ । विशेष अदालतले पाँच दिन थुनामा राखेर थप अनुसन्धान गर्न प्रहरीलाई अनुमति दिएको छ ।

प्रवक्ता प्रकाण्डलाई प्रहरीले जबरजस्ती चन्दा असुल गरेको अभियोग लगाएको छ । सँगै गिरफ्तार भएको हरिचन्द्र आचार्य र मिनबहादुरलाई पनि प्रहरीले अदालतमा पेश गरेको थियो । दुबै जनालाई पनि सोही अभियोग लगाएको छ ।

प्रवक्ता प्रकाण्डलाई प्रहरीले मंगलबार साँझ काठमाडौँको चोभारबाट गिरफ्तार गरेको थियो । उनलाई काठमाडौँ प्रहरी परिसर टेकुमा राखिने भएको छ ।

तस्वीर: धनन्जय /नरेन्द्र

प्रतिकृया दिनुहोस

शसक्त रूपमा अघि बढदै प्रमुख प्रतिपक्ष दल नेपाली काङ्ग्रेस

नन्दराम खड्का ,अनलाइन तहल्का रोल्पा २८, मंसिर  स्थानीय सरकारको गतिविधि प्रति असन्तुष्ट हुँदै प्रमुख प्रतीपक्ष दल नेपाली काङ्ग्रेसले रुन्टिगढि

मन्त्री निवास सम्बन्धि सरकारको निर्णय यस्तो आयो

अनलाइन तहल्का  मंसिर २०, काठमाडु ।     सरकारले राष्ट्रियसभा अध्यक्ष, प्रदेश प्रमूख, मुख्यमन्त्री र मन्त्रीका लागि भैसेपाटीस्थित सैबु आवास

कमल थापा र बाबुराम भट्टराई यसरी भिडे, विवाद के मा यस्तो छ

अनलाइन तहल्का मंसिर २०, काठमान्डौं ।  एसिया प्यासिफिक सम्मेलनको नाममा सरकारले क्रिश्चियन धर्मको प्रचार गरेको आरोप सोसल मिडियामा लागिरहँदा