तातोपानी र केरुङ्ग–रसुवागढी नाका पुल पुनर्निर्माणका लागि शिलान्यास

अनलाइन तहल्का 
भाद्र २४, काठमान्डौं । 
    चीन भ्रमणमा रहेका सभामुख कृष्णबहादुर महराले झांगमु–तातोपानी र केरुङ्ग–रसुवागढी नाका पुल पुनर्निर्माणका लागि शिलान्यास गरेका छन । महावाणिज्य दूतावास भवनको पनि महराले शिलान्यास गरेका हुन । एक विशेष समारोहका बीच नेपाल–चीन सीमा नाकाका अन्तर्राष्ट्रिय मैत्री पुलहरूको पुनःनिर्माण तथा महावाणिज्य दूतावास भवनको शिलान्यास गरेका हुन । ल्हासाबाटै भिडियो मार्फत गरिएको शिलान्यास समारोहमा तिब्बत जनकाँग्रेसका अध्यक्षसहितका पधाधिकारीहरुको सहभागिता थियो । २०७२ बैशाख १२ गतेको विनाशकारी भूकम्पका कारण नेपाल–चीन जोड्ने दुवै पुल क्षतिग्रस्त भएका थिए ।


     प्रधानमन्त्री केपी शर्मा ओलीको चीन भ्रमणका बेला संयुक्त वक्तव्यमा दुई मितेरी पुल बनाउने सहमति भएसँगै चीन सरकारले पुल पुनःनिर्माणको कार्य अघि बढाउन लागेको हो । 
    यी दुई मैत्री पुल निर्माण भएसँगै दुई देशबीचको व्यापारका साथै पर्यटन क्षेत्रको विकासमा सहयोग पुग्नेछ । पुल पुननिर्माण तथा दूतावास भवन शिलान्यास समारोहलाई सम्बोधन गर्दै सभामुख महराले ल्हासामा रहेको नेपाली वाणिज्य दूतावास नेपाल र चीनबीच सुमधुर सम्बन्धको प्रतीकको रूपमा रहेको बताए । 

ऐतिहासिक केरुङ–रसुवागढी पुल र तातोपानी मैत्री पुल पुनःनिर्माणले नेपाल–चीन सम्बन्धमा अर्को इँटा थप्ने काम गरेको चर्चा गर्दै सभामुख महराले यसले दुवै देशको व्यापार र पर्यटन प्रवद्र्धन गरी जनताको जीवनस्तर उकास्नेमा ठूलो भूमिका निर्वाह गर्ने विश्वास व्यक्त गरे । 
 

प्रतिकृया दिनुहोस

अग्रिम टिकट बुकिङ भोलि देखि 

अनलाइन तहल्का  असोज ८, काठमान्डौं ।      दसैंका लागि अग्रिम टिकट बुकिङ भोलिदेखि खुल्ने भएको छ । नेपाल यातायात व्यावसायी राष्ट्रिय महासङ्घको आज

शैक्षिक प्रमाणपत्र धितो राखेर कर्जा दिने काम शुरु भयो, कहाँ अनि विधि के त ?

अनलाइन तहल्का असोज ६, दाङ ।  दाङको घोराही उपमहानगरपालिका वडा नम्बर १५ स्थित सिसा सगुन बचत तथा ऋण सहकारी संस्थाले शैक्षिक प्रमाणपत्र धितो राखेर कर्जा

२१ तोला सुनसहित एक जना सुर्खेतबाट पक्राउ परे

अनलाइन तहल्का  असोज ६, सुर्खेत ।  सुर्खेतमा २१ तोला सुनसहित एक जना पक्राउ परेका छन् । वीरेन्द्रनगर ११ स्थित सुब्बाकुना प्रहरी चौकीको चेक