नेताहरुलाई कस्टडीमा राखेर ओली–प्रचण्ड विप्लवलाई बार्तामा बोलाउछन, अब के होला ?

काठमाडौं ।

केपी ओली र प्रचण्ड सरकारले नेकपाका प्रवक्ता प्रकाण्डसहित ५ पोलिटब्युरो, दर्जन केन्द्रीय सदस्य र सयबढी अन्य नेता कार्यकर्ताहरुलाई कस्टडीमा राखेर महासचिव विप्लवलाई बार्तामा बोलाएको छ ।
सोमबार सरकारद्वारा गठित बार्ता टोलीले सिंहदरवारमा पत्रकार सम्मेलन गरी असन्तुष्ट र द्वन्द्वरत सबै पक्षलाई वार्तामा आउन औपचारिक रुपमा आह्वान गरेको हो ।
एकातिर सरकारले नेकपा प्रवक्ता प्रकाण्डलाई अदालतले छाड्ने आदेश दिँदा पनि पटक(पटक पक्राउ गरिरहेको छ । अर्को्तिर, गिरफ्तारीकै वीचमा त्यसै नेकपालाई वार्तामा आउन औपचारिक आग्रह गरिएको छ ।

सर्वोच्च अदालतको आदेशपछि पटक–पटक पक्राउ परेका प्रवक्ता प्रकाण्डको विषयमा भने वार्ता टोलीलाई औपचारिक जानकारी नभएको वार्ता टोलीका संयोजक सोमप्रसाद पाण्डेयको भनाइ छ । प्रकाण्डको विषयमा आफूहरूसँग सहमति वा कुनै सल्लाह नभएको उनले पत्रकार सम्मेलनमा बताए ।

सरकार सबै प्रकारका द्वन्द्व निर्मुल गरी सहमतिका माध्यमबाट शान्ति, सहिष्णुता र सद्भाव कायम गरी समावेशी, समतामुलक, न्यायपूर्ण र अग्रगामी राज्य निर्माण गर्न तयार रहेको संयोजक पाण्डेले बताए । त्यस्तै सरकारले नेपाल सरकार असहमति, विवाद र द्वन्द्वलाई वार्ताकै माध्यमबाट टुङ्गो लगाउन तयार रहेको बताए ।

पाण्डेले संक्रमणकालिन अवस्थाका र पछिल्लो समयमा समेत रहेका र देखिएका असन्तुष्टि र असहमतिहरुलाई वार्तामार्फत सहमति र सम्झौता गर्न सरकारले कुनै कसर बाँकी नराख्ने बताए । सरकारले गत भदौ ८ गते सांसद सोमप्रसाद पाण्डेको संयोजकत्वमा ५ सदस्यीय वार्ता टोली गठन गरेको थियो । तर नेपाल कम्युनिस्ट पार्टीले भने यथास्थितिमा वार्ताको औचित्य नहुने बताएको छ । सरकारले वार्त टोली गठन गरेको अर्को दिन नेकपाकी पोलिट व्युरो सदस्य उमा भुजेललाई पक्राउ गरेको थियो । त्यसको अर्को दिन नेकपाका महासचिव विप्लवले विज्ञप्ति जारी गर्दै सरकारले दमन गर्ने उदेश्यले वार्ताको नाटक देखाएको भन्दै सरकारसँग कुनै वार्ता नहुने बताएका थिए ।

यद्धपि सरकारले औपचारिकरुपमा बार्ताका लागि आवहान गरिसकेपछि नेकपा महासचिव विप्लव बार्ताका लागि तयार हुन्छन् या के गर्छन् त्यो भन्ने आम चासोको बिषय बनेको छ । अहिले नेकपा प्रवक्ता प्रकाण्ड, पोलिटब्युरो सदस्यहरु मोहन कार्की, कृष्ण धमला, ओमपुन, पदम राई र उमा भुजेलसहित दर्जन केन्द्रीय नेता तथा सय बढी कार्यकर्ताहरु प्रहरी हिरासतमा छन् ।
संचारकेन्द्रबाट 
 

प्रतिकृया दिनुहोस

जनयुद्धको नेतृत्वकर्ता सौरभलाइ प्रवेश गराएर कर्णालीमा शुरू भयो राप्रपाको हिन्दु जागरण

अनलाइन तहल्का  पुस ३०, सल्यान ।  जनयुद्धको समयमा चरम उत्सर्गका बेला नेकपा माओवादीको इञ्चार्ज सम्हालेका धन वहादुर वली “सौरभ” राप्रपामा प्रवेश

रेशम चौधरीले आज सपथग्रहण लिँदै  

अनलाइन तहल्का प्रतिनिधिसभा निर्वाचनमा कैलाली क्षेत्र नम्बर १ बाट निर्वा्चित राष्ट्रिय जनता पार्टी (राजपा) का नेता रेशम चौधरीले आज सपथ लिँदैछन्। आज

धरहरामा इतिहास झल्कन्छ, आधुनिकता टल्कन्छः प्रधानमन्त्री ओली भनाइ

  अनलाइन तहल्का  प्रधानमन्त्री केपी शर्मा ओलीले अब बन्ने धरहरामा इतिहास झल्कने र आधुनिकता टल्कने बताएका छन्।राष्ट्रिय पुनःनिर्माण प्राधिकरणले