नेकपाका नेता पुनलाई अदालतमा उपस्थित गराउन आदेश

अनलाइन तहल्का 
२६ भदौ, काठमाडौं ।
    नेपाल कम्युनिस्ट पार्टीका नेता एवं पोलिटब्यूरो सदस्य (पीबीएम) ओमप्रकाश पुनलाई भदौ २८ गते उच्च अदालतमा उपस्थित गराउन जिल्ला प्रशासन कार्यालय बाँकेलाई आदेश दिएको छ । 
बन्दी प्रत्यक्षीकरण रिटमाथिको बहसपछि न्यायाधीश ऋषिप्रसाद अधिकारीको एकल इजलासले सोमबार सो आदेश दिएको हो । पुनलाई गैरकानूनी रुपमा गिरफ्तार गरी प्रहरी हिरासतमा थुनामा राखेको जनाउँदै रिहा गर्न माग राखेर हरिशंकर प्याकुरेलले उच्च अदालत तुलसीपुरको नेपालगञ्ज इजलासमा बन्दी प्रत्यक्षीकरण रिट निवेदन दर्ता गरेका थिए ।
रिटमाथिको बहस सकेर सुनुवाई गर्दै न्यायाधीश अधिकारीको इजलासले बन्दी पुनलाई रिहा गर्न किन नपर्ने हो ? सोको लिखित जवाफसहित भदौ २८ बिहान १० बजे उच्च अदालतमा उपस्थित गराउन जिल्ला प्रशासन कार्यालय बाँकेलगायत विपक्षीको नाममा आदेश जारी गरेको हो ।
पुनलाई गत असार १९ गते राति ९ बजे काठमाडौंको लाजिम्पाटबाट सादा पोशाकका प्रहरीले गिरफ्तार गरी बर्दिया, कैलाली हुँदै हाल बाँके जिल्ला प्रहरीको हिरासतमा राख्दै आएको छ । उनीमाथि विष्फोटको अभियोग लगाइएको छ ।
पुनसहित नेकपाका पाँच जना पीबीएमलाई विगत अढाई महिनादेखि देशका विभिन्न जिल्ला प्रहरी कार्यालयको हिरासतमा बन्दी बनाइ राखिएको छ । पीबीएमहरु पदमबहादुर राई ‘विकास’ संखुवासभा, उमा भुजेल ‘शिलु’ नुवाकोट, कृष्णबहादुर धमला ‘गम्भीर’ र मोहनबहादुर कार्की ‘जीवन्त’ दाङ (लैजाँदै) अवस्थामा रहेका छन् ।
 

प्रतिकृया दिनुहोस

जनयुद्धको नेतृत्वकर्ता सौरभलाइ प्रवेश गराएर कर्णालीमा शुरू भयो राप्रपाको हिन्दु जागरण

अनलाइन तहल्का  पुस ३०, सल्यान ।  जनयुद्धको समयमा चरम उत्सर्गका बेला नेकपा माओवादीको इञ्चार्ज सम्हालेका धन वहादुर वली “सौरभ” राप्रपामा प्रवेश

रेशम चौधरीले आज सपथग्रहण लिँदै  

अनलाइन तहल्का प्रतिनिधिसभा निर्वाचनमा कैलाली क्षेत्र नम्बर १ बाट निर्वा्चित राष्ट्रिय जनता पार्टी (राजपा) का नेता रेशम चौधरीले आज सपथ लिँदैछन्। आज

धरहरामा इतिहास झल्कन्छ, आधुनिकता टल्कन्छः प्रधानमन्त्री ओली भनाइ

  अनलाइन तहल्का  प्रधानमन्त्री केपी शर्मा ओलीले अब बन्ने धरहरामा इतिहास झल्कने र आधुनिकता टल्कने बताएका छन्।राष्ट्रिय पुनःनिर्माण प्राधिकरणले