साफ च्याम्पियनसिप फुटवलमा नेपाललाई इतिहास रच्ने अवसर

अनलाइन तहल्का 
काठमाडौं, भदौ २६ । 
साफ च्याम्पियनसिप अन्तर्गत पहिलो सेमिफाइलनमा नेपालले ढाकास्थित बंगबन्धु रंगशालामा माल्दिभ्स विरुद्ध खेल्दैछ । २५ वर्षे साफ च्याम्पियनसिपको इतिहासमा बुधबार दिउँसो ३ः४५ बजे हुने सेमिफाइनल नेपालका लागि इतिहास रच्ने अवसर हो ।
अहिलेसम्म सेमिफाइनल भन्दा माथि नपुगेको नेपाल माल्दिभ्सलाई पराजित गर्नसके साफ च्याम्पियनसिपमा नयाँ इतिहास कायम गर्न सफल हुनेछ । पाँचौंपटक सेमिफाइनल खेल्न लागेको नेपाली टोलीका लागि माल्दिभ्स केही कमजोर प्रतिद्वन्द्वी देखिएको छ । यसअघि, सन् १९९५, सन् १९९९, सन् २०११ र २०१३ मा नेपाल सेमिफाइनलसम्म पुगेको थियो ।

समूह चरणमा दुई खेल खेलेको माल्दिभ्स एकमा पराजित र एकमा बराबरी गर्दै सेमिफाइनल पुगेको हो । नेपाल भने एक खेलमा पराजित र दुई खेलमा विजयी हुँदै सेमिफाइल पुगेको हो । पहिलो सेमिफाइनलमा प्रतिस्पर्धाका लागि मैदान उत्रँदै गर्दा दुवै टोलीको लक्ष्य फाइनल पुग्नु रहनेछ ।
नेपालले साफ च्याम्पियनसिपमा माल्दिभ्सलाई अहिलेसम्म पराजित भने गर्न सकेको छैन । साफ च्याम्पियनसिपमा नेपाल र माल्दिभ्स अहिलेसम्म ६ पटक खेलेका छन् । जसमा चार खेल माल्दिभ्सले जितेको छ भने दुई खेल बराबरीमा सकिएको थियो । नेपालले साफमा माल्दिभ्सविरुद्ध सात गोल गर्दा १४ गोल खाएको छ ।
साफ च्याम्पियनसिपको सन् २००९ र २०११ को संस्करणमा बराबरी गर्न सफल नेपाल त्यसअघि भएका संस्करणमा भने पराजित भएको थियो । नेपाल बुधबार हुने सेमिफाइनल जित्दै माल्दिभ्स विरुद्धको जितविहीन यात्राको अन्त्य गर्ने लक्ष्यमा हुनेछ । ‘धेरै वर्षपछि हामी सेमिफाइनलमा पुगेका छौं । अब माल्दिभ्स सँग खेल्नुपर्नेछ । माल्दिभ्स राम्रो टोली हो । उनीहरूलाई कमजोर मान्नुहुन्न’–मंगलबार बिहान ढाकामा सन्चारकर्मीलाई संक्षिप्त प्रतिक्रिया दिँदै नेपाली राष्ट्रिय टोलीका कार्यवाहक मुख्य प्रशिक्षक बालगोपाल महर्जनले भने ।

नेपालले ढाकामामात्र माल्दिभ्सविरुद्ध चार खेल खेलेको छ । जसमा नेपालले एक जित, दुईमा बराबरी र एकमा हार बेहोरेको छ । माल्दिभ्सविरुद्ध नेपालका पूर्वस्ट्राइकर हरि खड्काले सर्वाधिक चार गोल गरेका छन् । यस्तै, नवयुग श्रेष्ठको नाममा तीन गोल छ । नेपालले माल्दिभ्ससँग खेलेको पछिल्लो खेल सन् २०१६ को बंगबन्धु गोल्डकप हो । उक्त खेलमा नेपालले माल्दिभ्सलाई ४–१ ले हराएको थियो ।
 

दोस्रो सेमिफाइलनमा भारत–पाकिस्तान भिड्ने
बुधबारै साँझ हुने दोस्रो सेमिफाइनलमा भारत र पाकिस्तान प्रतिस्पर्धा गर्नेछन् । सेमिफाइनलमा पुगेका चारमध्ये भारतले सर्वा्धिक सातपटक तथा माल्दिभ्सले एकपटक साफ च्याम्पियनसिपको उपाधि जितिसकेका छन् । नेपाल र पाकिस्तान भने अहिलेसम्म सेमिफाइनल भन्दा माथि पुग्न सकेका छैनन् । पाकिस्तान १३ वर्षपछि तथा नेपाल पाँच वर्षपछि अन्तिम चारमा पुगेका हुन् ।
 

प्रतिकृया दिनुहोस

चौरजहारीमा हुने प्रदेशकप टि-२० क्रिकेटका लागि सल्यानको यस्तो टिम 

अनलाइन तहल्का  पुस ८, सल्यान ।  अन्य खेलकुदका गतिविधि भएपनि क्रिकेट जस्ता राष्ट्रिय खेलकुद कमै हुने सल्यानमा पछिल्ला बर्षमा बढ्दै गएका छन ।    

रियलले जित्यो लगातार तेस्रो पटक फिफा क्बल विश्वकपको उपाधि

अनलाइन तहल्का काठमान्डाैं,  पुस ८ रियल मड्रिडले लगातार तेस्रो पटक फिफा क्लब विश्वकप फुटबलको उपाधि जितेको छ।  युएईमा आइतबार राति भएको खेलमा

बंगलादेशविरुद्धको सिरिज वेस्टइंडिजलाई एजेन्सी

अनलाइन तहल्का काठमान्डाैं,  पुस ८ घरेलु टोली बंगलादेशलाई पराजित गर्दे पाहुना टोली वेस्टइंडिजले तीन खेलको टी–२० सिरिज २–१ ले कब्जा गरेको छ।