सरकार आर्थिक विकासलाई तीव्र लिदैछः प्रधानमन्त्री 

अनलाइन तहल्का
भदौ २९, काठमाडौं । 
प्रधानमन्त्री केपी शर्मा ओलीले सरकारले तीव्र गतिमा आर्थिक विकास गर्न खोजेको बताएका छन् । ‘सरकार तीव्र गतिमा आर्थिक विकासलाई ड्राइभ गर्न खोज्दैछ,’  काठमाडौंमा भएको आर्थिक विकास सम्बन्धी एक बहस कार्यक्रमको उद्घाटमा प्रधानमन्त्री ओलीले भने, ‘विगतमा विभिन्न काराणले बन्द भएका उद्योगहरु पुनः सञ्चालन र नयाँ उद्योगको स्थापना सरकारको प्राथमिकतामा छ ।’
प्रधानमन्त्री ओलीले दुई तिहाई बहुमतसहितको सरकारको मुख्य लक्ष्य छिटो आर्थिक समृद्धि भएको र अहिलेको समय स्वदेशी तथा विदेशी लगानीकर्ताहरुलाई राम्रो मुनाफा कमाउने उपयुक्त अवसर भएको बताए ।
औद्योगिक क्षेत्रमा बिनाहिचकिटाहट लगानि गर्नका लागि समेत उनले आव्हान गरेका छन् । लगानिका लागि एकद्धार प्रणालीबाटै आउन आग्रह गर्दै प्रधानमन्त्री ओलीले भने, ‘वान डोर सिस्टमबाट नै लागनि गर्नुपर्ने हुन्छ’, लगानी सुरक्षित हुँदैन कि भन्ने सोच्नुपर्दैन ।’
प्रधानमन्त्री ओलीले भारत र चीन दुबैदेशसँग मिलेर नेपालले आर्थिक विकास र समृद्धिको चहना पूरा गर्न खोजेको समेत बताएका छन् । उनले रक्सोल काठमाडौं रेलबारे प्रोटोकलमा केही दिनमा सहमति हुनेसमेत बताएका छन् ।
प्रधानमन्त्री ओलीले आर्थिक विकास मात्रै सरकारको मूख्य लक्ष्य नभएको भन्दै उनले सुखी नेपालीको चाहना अनुसार काम भइरहेको बताए । ‘समृद्ध नेपाल खुसी नेपाली सरकारको लक्ष्य हो । विकासले मात्रै मान्छे खुसी हुँदैन,’ प्रधानमन्त्री ओली भन्छन्, ‘सुरक्षा चाहिन्छ । स्वतन्त्रता चाहिन्छ । त्यस अनुरुपको अधिकार प्रत्योजना गर्न सरकार प्रयासरत छ ।’
नागरिक क्रियटिभ र खुसी हँदा विकासको गति अझ बढ्ने ओलीको भनाइ छ । ‘मात्र विकास चाहेको होइनौं,’ प्रधानमन्त्री ओलीले भने, ‘क्रियटिभ र खुसी समाज चाहेका हौं । त्यो गतिमा कामहरु अगाडि बढेका छन् पनि ।’
संविधान जारी भएको तीन वर्ष्भित्र मौलिक हक कार्यान्वयनमा आइसक्नुपर्ने संवैधानिक बाध्यता रहेको भन्दै उनले त्यसकार्यमा सरकार क्रियाशील रहेको बताए । मौलिक हकसँग सम्बन्धित विधेयकहरुमाथि छलफल भइरहेको भन्दै उनले र केहि दिनमै संसदबाट पारित हुनेगरि गृहकार्य अगाडि बढेको जानकारी दिए ।
नेपाललाई आर्थिक विकासमा लम्कन केही समस्याहरु समेत रहेको भन्दै प्रधानमन्त्री ओलीले सरकार त्यसतर्फ सचेत रहेको उल्लेख गरे । २०७२१ सालको विनाशकारी भूकम्पपछिको पुनर्निर्माण चलिरहेको र छिटै सकिने ओलीको भनाइ छ ।
कार्यक्रममा भारतीय जनता पार्टीका नेता गोपाल कृष्ण अग्रवालले आर्थिक प्रजातन्त्रबारे चर्चा गरे ।
भारतले आर्थिक विकासका लागि गरेको प्रयास र तत्कालीन समस्याहरुका बारेमा जानकारी दिँदै उनले भारतले आर्थिक विकासका लागि गरको प्रयासबाट नेपालले लाभ लिन सक्ने उनले बताए । लगानीका लागि निजी क्षेत्रलाई खुला राख्न र विदेशी लगानी आकर्षित गर्न सक्दा नेपालले छिटो आर्थिक विकास गर्न सक्ने अग्रवालको भनाइ छ ।
 

प्रतिकृया दिनुहोस

अग्रिम टिकट बुकिङ भोलि देखि 

अनलाइन तहल्का  असोज ८, काठमान्डौं ।      दसैंका लागि अग्रिम टिकट बुकिङ भोलिदेखि खुल्ने भएको छ । नेपाल यातायात व्यावसायी राष्ट्रिय महासङ्घको आज

शैक्षिक प्रमाणपत्र धितो राखेर कर्जा दिने काम शुरु भयो, कहाँ अनि विधि के त ?

अनलाइन तहल्का असोज ६, दाङ ।  दाङको घोराही उपमहानगरपालिका वडा नम्बर १५ स्थित सिसा सगुन बचत तथा ऋण सहकारी संस्थाले शैक्षिक प्रमाणपत्र धितो राखेर कर्जा

२१ तोला सुनसहित एक जना सुर्खेतबाट पक्राउ परे

अनलाइन तहल्का  असोज ६, सुर्खेत ।  सुर्खेतमा २१ तोला सुनसहित एक जना पक्राउ परेका छन् । वीरेन्द्रनगर ११ स्थित सुब्बाकुना प्रहरी चौकीको चेक