निर्मलाका बाबु–आमालाई काठमान्डौमा चियो बसेर दुःख दिँदैछ प्रहरी

अनलाइन तहल्का 
भदौ २९, काठमाडौं । 
छोरीको बलात्कारपछि हत्या भएसँगै अनुसन्धानमा प्रहरीले देखाएको रबैयाबाट असन्तुष्ट निर्मला पन्तका बाबुआमा अहिले राजधानी काठमाडौंमा छन् । यहाँ आएपछि न्याय पाइन्छ कि भन्ने उनीहरुको आश छ । तर, काठमाडौं आएदेखि नै सादा पोसाकका प्रहरीले आफूहरुको पिछा गरेर अनावश्यक दुःख दिएको आरोप उनीहरुले लगाएका छन् ।
हुन त घटना घटेलगत्तै निर्मलाका बाबु यज्ञराज र आमा दुर्गादेवीलाई प्रहरीको रबैया मन परेको थिएन । स्थानीय प्रहरी प्रशासनले आफूहरुलाई अनेक धम्की दिएको गुनासो उनीहरुले गर्दै आएका थिए । देशैभर निर्मलाले न्याय पाउनुपर्छ भन्ने आवाज उठ्यो । जिल्लावासीले अभूतपूर्व सक्रियता र साथ दिए । तर, अपराधी पत्ता लागेन ।
काठमाडौं गएपछि न्याय पाइन्छ कि भनेर उनीहरु अहिले यहाँ सरोकारवालाहरुसँग हारगुहार गरिरहेका छन् । तर, प्रहरीले आफूहरुप्रति गरेको व्यवहारले उनीहरु रुस्ट भएका छन् ।
निर्मलाका बुवा यज्ञराज र आमा दुर्गादेवीले आफूहरु बसेको होटल, हिँडेको गल्लीलगायतका स्थानमा सादा पोसाकका प्रहरीले खानतलासी लिने र तस्वीर खिच्ने गरिरहेको बताएका छन् ।
सादा पोसाकका प्रहरीको यो कार्यले आफूहरु आतंकित भएको उनीहरुको भनाइ छ । यज्ञराज र दुर्गादेवी कन्चनपुरका ९ जना महिला अधिकारकर्मीको साथमा काठमाडौं आएका हुन् ।
महिला अधिकारकर्मी शारदा चन्द आफूहरु काठमाडौं झरेदेखि नै नचिनेका व्यक्तिहरुले चियोचर्चाे गरिरहेको, सादा पोसाकका प्रहरी आफूहरु बसेको गेस्टहाउसमै आएर खानतलासी लिन थालेको दाबी गर्छिन् ।
‘किन प्रहरी हाम्रो पछि लागिरहेको छ ? प्रहरीले घटनास्थलमा गएर अपराधी पत्ता लगाउने कि न्यायको लडाइँमा आएका हामीहरुलाई आतंकित पार्ने ?’–चन्द प्रश्न गर्छिन् ।
न्याय माग्न आएका पीडितहरुलाई त्रास देखाइ, मानसिक तनाव दिइ राजधानीबाट लखेट्ने षड्यन्त्र भइरहेको चन्दको गुनासो छ ।
इमेजबाट

प्रतिकृया दिनुहोस

विष्णु माझी स्याङ्जा प्रहरी कार्यालयमा, ११ वर्षपछि भेटे बाबुले छोरी ..पूरा हेरि शेयर गरौ

स्याङ्जा — आइतबार करिब ११ बजे जिल्ला प्रहरी कार्यालय अगाडि बा२ज २०९२ नम्बरको सेतो कलरको ट्याक्सी रोकियो । ट्याक्सीबाट पहिले एक पुरुष निस्किए ।

जर्नादन शर्मा बने राणा खलकको सम्धी  

पुष १० ।  नेकपाका नेता जनार्दन शर्मा ‘प्रभाकर’को नाता सम्बन्ध अब नेपालको कुलीन घराना मानिने राणा परिवारसँग गाँसिएको छ । उनकी छोरी कविता शर्माले

जिशिकाको वेवसाइटमा खुल्छ नगरपालिका

जाजरकोट, ८ पुस । जाजरकोट जिल्ला शिक्षा कार्यालयलाई आफ्नो काम प्रभावकारी बनाउन र सेवाबारे आम नागरिकलाई जानकारी दिन निर्माण गरिएको वेवसाइट के कस्तो