गोप्य सुचना रेकर्ड गरी प्रहरीलाई बुझाएको भन्दै ३ जना क्रान्तिकारी पत्रकार संगठनबाट निष्कासित, के रहेछ त्यो गोप्य सूचना

अनलाइन तहल्का

भाद्र २९, काठमाडौं । 

क्रान्तिकारी पत्रकार संगठन, नेपालले प्रकाश डुम्रे लगायत तीन जना केन्दीय सदस्यलाई संगठनबाट निष्कासन गरेको छ । सङ्गठनबिरुद्ध अराजक गतिविधि गरेपछि साधारण सदस्य समेत नरहने गरि डुम्रे सहित हिम विष्ट र सृजना तिम्सिनालाई निष्कासन गरेको हो ।

हेटौडा महाधिवेशनबाट गुट बनाएर हिडेका उनीहरुले नगरकोट सम्मेलनमा भएको बन्द शत्रको गोप्य सुचना रेकर्ड गरी प्रहरीलाई बुझाएको, संगठनको विरुद्धमा पार्टीलाई विल्कुलै गलत सूचना दिएको, अनावश्यक रुपमा उत्तेजित पारेको र आन्तरिक काममा बाधा पु¥याएको भन्दै सङ्गठनले कारवाही गरेको हो । बैशाख १५, १६ र १७ गते सम्पन्न तेस्रो राष्ट्रिय सम्मेलनले ५१ सदस्यीय कमिटी बनाई ४८ जनालाई केन्दीय सदस्यमा निर्वा्चित गरेको थियो । त्यसमध्येका ३९ जनाले एक विज्ञप्ति जारी गर्दै संगठनबाट उनीहरुलाई निष्कासन गरेको हो ।

उक्त विज्ञप्तिमा भनिएको छ, ‘तीन वर्षअघि हैटौडामा सम्पन्न दोस्रो राष्ट्रिय सम्मेलनदेखि नै संगठनमा जवरजस्त गुट पैदा गर्ने र संगठनको जिम्मेवारीलाई आफ्नो व्यक्तिगत स्वार्थ पूर्तीमा लगाउँदै आएको सोही समूहले गत बैशाखमा सम्पन्न राष्ट्रिय सम्मेलनमा पार्टीका नेताहरुलाई विल्कुलै गलत सूचना दिने, अनावश्यक रुपमा उत्तेजित पार्ने र आन्तरिक काममा बाधा पु¥याउने काम ग¥यो । एकातिर प्रहरीले गरेको हस्तक्षेप र अर्को्तिर आन्तरिक रुपमा त्यो प्रवृतिले पु¥याएका बाधाले सम्मेलनले नयाँ नेतृत्व चयनको प्रक्रिया पूरा गर्न सकेको थिएन ।’

सबै समस्याहरुलाई आन्तरिक छलफलबाट टुंगो लगाउने भनेर पाँच महिनासम्म छलफल, बहस गरिए पनि यसबीच ती पात्रहरु एकातिर पार्टीको आडमा सञ्चालित मिडियालाई दुरुपयोग गरी अकूत पैसा उठाउने, बागबजारमा बसेर विभिन्न विश्वविद्यालयका नक्कली प्रमाणपत्र तयार पार्ने धन्दा जस्तै लाग्ने नक्कली सूचना तयार पार्ने र ती गलत सूचनाहरु पार्टीका नेताहरुलाई निरन्तर पु¥याउने जस्ता अराजक गतिविधिमा लागेका कारण निष्कासित गरिएको उक्त सङ्गठनले जनाएको छ ।

विज्ञप्तिमा अगाडी भनिएको छ, ‘हामी ती सबै समस्याहरुलाई आन्तरिक छलफलबाट टुंगो लगाउने भनेर पाँच महिनासम्म लाग्यौ । तर, यसबीच ती पात्रहरु एकातिर पार्टीको आडमा सञ्चालित मिडियालाई दुरुपयोग गरी अकूत पैसा उठाउने, बागबजारमा बसेर विभिन्न विश्वविद्यालयका नक्कली प्रमाणपत्र तयार पार्ने धन्दा जस्तै लाग्ने नक्कली सूचना तयार पार्ने र ती गलत सूचनाहरु पार्टीका नेताहरुलाई निरन्तर पु¥याउने, कठोर संघर्ष, दुःख, कष्ट सहँदै देशभरका साथीहरुको मेहनतबाट स्थापित भएको संगठनलाई सिध्याउने अनुशासनहीन, नैतिकहीन र विल्कुलै गलत धन्दामा लागेका कारण तेस्रो राष्ट्रिय सम्मेलनबाट केन्द्रीय सदस्यमा चयन भएका प्रकाश डुम्रे, हिम विष्ट, सिर्जना तिम्सिनालाई संगठनको साधारण सदस्य समेत नरहने गरी निष्कासन गर्ने निर्णय गरिएको जानकारी गराउँदछौ ।’

सम्मेलनपछि सङ्गठनको बैठक नै बस्न नसकेको अवस्थामा केहीदिन अघि प्रकाश डुम्रेले आफु अध्यक्ष बनेको भन्दै सामाजिक सञ्जालमा बधाई मागेपछि बिबादको सुरुवात भएको थियो । सङ्गठनले त्यसबखत पनि संशयपूर्ण भूमिका भएका र खराब आचरण भएका केही पात्रहरु अमुक नेतालाई प्रभावमा पारेर जवरजस्त आफूलाई नेता घोषित गराउन लागिपरेको प्रष्ट पार्दै यस्ता घृणित कार्यमा नलाग्न चेतावनी दिएको थियो ।

डुम्रे गुटले आफ्नो यस्ता अराजक गतिविधिलाई घटाउनुको साटो झन बढावा दिएर पार्टीका नेताहरुसँग भेटघाट गरी संगठनका सदस्यहरुको नाम तोकेरै भ्रमपूर्ण रिपोटिङ गर्दै आएका थिए ।  लोमो समयदेखि प्रकाश डुम्रे, हिम बिष्ट, राजेन्द्र चिमौरीया,सिर्जना तिमल्सिना,सागर लामा,आलोक लिम्बु र मोहन पन्तले पार्टी क्रान्तिलाई नराम्ररी असर पर्ने गरी अनाआवश्यक गुटबन्दी गर्ने, विभिन्न अनलाईनहरुमा मिथ्या समाचार छाप्दै आएका छन् ।

विज्ञप्ती


 

प्रतिकृया दिनुहोस

कार्यकर्तालाई फेरी मौरी बन भने केपीले 

अनलाइन तहल्का ६ असोज, काठमाडौं ।      प्रधानमन्त्री केपी शर्मा ओलीले पार्टीका नेता कार्यकताहरुलाई मौरी जस्तै मेहनती बन्न निर्देशन दिएका छन् ।

के पत्रकारले जथाभावी लेख्न पाउनुपर्छ भनेका छन, नत्र किन भन्छन मन्त्री पण्डित

अनलाइन तहल्का  असोज ६, भक्तपुर ।          सङ्घीय मामिला तथा सामान्य प्रशासन मन्त्री लालबाबु पण्डितले जथाभावी फोहर फाल्ने नागरिकको पहिचान

संविधानको मर्ममाथि कसैले प्रहार गरे काङ्ग्रेसलाई मान्य हुदैनः सिंह

अनलाइन तहल्का  असोज ६, विराटनगर ।  नेपाली काङ्ग्रेसका नेता एवं पूर्वमहामन्त्री प्रकाशमान सिंहले वर्तमान सरकारलाई जनताका निम्ति परिणाममुखी काम