रुकुम आठबिसकोटमा २५ शैयाको अस्पताल सञ्चालन

अनलाइन तहल्का 
असोज १३, रुकुम । 
रुकुम पश्चिमको आठविसकोट नगरपालिकामा २५ शैयाको अस्पताल संचालनमा ल्याइएको छ । 
शनिबार आठविसकोट नगरपालिकाको २५ शय्याको अस्पताल पूर्वगृहमन्त्री तथा प्रतिनिधिसभाका सांसद जनार्दन शर्माले औपचारिक रुपमा उद्घाटन समेत गरेका छन् । 
कार्यक्रममा बोल्दै पूर्व मन्त्री शर्माले  अबको समयमा नगरपालिका र जिल्लाले आम जनता तथा बालबालिकाको उज्ज्वल भविष्यका लागी शिक्षामा र जनताको स्वास्थ्य अवस्थामा सुधार ल्याउनकै लागी विशेष जोड दिनु पर्ने बताए । 
आठविसकोट नगर अस्पतालले गत आइतबार बाट विभिन्न सेवा समेत शुरु गरिसकेको छ । स्थानीय सरकार संचालन ऐनले नगरपालिका मार्फत २५ शय्या सम्मको अस्पताल संचालन गर्न पाउने व्यवस्था छ । 
सोही व्यवस्था अनुसार अस्पताल संचालनमा ल्याएको नगर प्रमुख गोर्खबहादुर केसीले बताए । 
उनका अनुसार नगरपालिकाले हालसम्म अस्पताल संचालनका लागि एक करोड बढी रकम खर्च गरिसकेको छ ।  
२५ शय्याको अस्पताल स्थापना गरेको नगरपालिकालाई कर्णाली स्वास्थ्य विज्ञान प्रतिष्ठान जुम्लाले डाक्टर उपलब्ध गराएको छ । 
अस्पतालमा रेडियाग्राफी, ल्याब टेक्निसियन, असिस्टेन्ट, अनमी, स्वास्थ्य सहायक, अहेबलगायत स्वास्थ्यकर्मी भर्ना गरिएको छ । 
अस्पतालसम्बन्धी कार्या्विधि अनुसार अन्तरंग बहिरंगका साथै डिजिटल एक्सरे, अल्ट्रा साउन्ड र इसीजीलगायत सेवा रहेको बताइएको छ । 
यसअघि उपचारको लागि जिल्ला अस्पताल तथा जिल्ला बाहिर जाने गरेका स्थानीयहरू गाउँमै अस्पताल संचालनमा आएपछि खुसी भएका छन् । 
स्थानीय सत्य बटालाले सुविधा सम्पन्न अस्पताल नगरमा पहिलो पटक संचालनमा आएपछि उपचारमा दैनिक जसो बिरामीहरूको लर्को सुरु भएको छ ।
 

प्रतिकृया दिनुहोस

यसकारण हुन्छ कम उमेरमै स्मरणशक्ति ह्रास

डा. ललितकुमार मिश्र मानव जीवनमा स्मरणशक्तिको ठूलो महत्व छ । स्मरणशक्ति तेज भएका मानिसहरुले हरेक क्षेत्रमा चाँडो प्रगति गर्न सक्छन् । कमजोर हुनेहरु

सुन्दर बच्चा चाहनुहुन्छ भने खानामा समावेश गर्नुस यि तत्वहरु

अनलाइन तहल्का मंसिर २४, सल्यान यदि तपाईँ चाहानुहुन्छ, कि तपाईँको हुनेबाला बच्चा तेज दिमाग र स्मार्ट होस भने पोषक तत्वले भरिपूर्ण खानाको साथै

स्वास्थ्य सुधारको लागि समाजमा अन्तरव्यक्ति संचारको आवश्यकता, सल्यानमा पिएसआइको १५ महिने परियोजना सकियो

अनलाइन तहल्का मंसिर २४, सल्यान । मानिसमा व्यवहारमा परिवर्तन नहुनुले उनिहरुको स्वास्थ्यमा समस्या देखिने सल्यानमा आयोजित एक कार्यक्रमका सहभागिले