कर्णालीका २ स्थान कपुरकोट र हर्रेमा विषादी प्रयोगशाला स्थापना हुने

अनलाइन तहल्का 
असोज १३, सल्यान ।
कर्णाली प्रदेशमा विषादी प्रयोगशाला केन्द्र स्थापनाका लागि डेढ करोड बजेट छुट्याइएको छ । कर्णालीलाई अर्गानिक र जैविक प्रदेशका रुपमा विकास गर्ने उद्देश्यले प्रदेश सरकारले सल्यानको कपुरकोट र सुर्खेतको हर्रेमा प्रयोगशाला स्थापनाका लागि एक करोड ५० लाख बजेट छुट्याएको हो ।


बाहिरबाट आउने तरकारी फलफूल, मासु लगायतका खाद्य वस्तुमा विषादीको परीक्षण गर्नका लागि कर्णाली सरकारले प्रयोगशाला स्थापना गर्न लागिएको हो । दशै लगतै प्रयोगशाला स्थापनाको काम सुरु हुने भूमि व्यवस्था, कृषि तथा सहकारी मन्त्री विमला केसीले जानकारी दिइन् । बाहिरी जिल्लाबाट कर्णाली भित्रिने तरकारी लगायतका वस्तु परीक्षणका लागि प्रयोगशाला स्थापना गर्न लागिएको उनको भनाई छ । सरकार गठन भएपछिको पहिलो मन्त्रिपरिषद् बैठकले यस प्रदेशभित्र प्रांगारिक कृषि विस्तार र रैथाने बाली संरक्षण गर्ने निर्णय गरेको थियो । 

मन्त्रालयले सल्यानको कुमाख गाउँपालिका, मुगुको खत्याड र सोरु गाउँपालिका, कालिकोटको सान्नीत्रिवेणी गाउँपालिका, जुम्लाको सिंजा क्षेत्र, हुम्लाको ओदानचुली र ताजाकोट गाउँपालिका, डोल्पाको त्रिपुरासुन्दरी र ठूलोभेरी नगरपालिका, दैलेखको भगवतीमाई गाउँपालिका, रुकुमको आठबीसकोट नगरपालिका, र सुर्खेतको सिम्ता गाउँपालिकामा प्राङ्गारिक नमुना प्रयोगशाला निर्माण गर्ने तयारी गरेको छ ।
 

प्रतिकृया दिनुहोस

क्रसर बन्द गर्ने निर्णयले निर्माण कार्य प्रभावित

अनलाइन तहल्का महोत्तरीमा जिल्ला समन्वय समिति महोत्तरीले क्रसर उद्योग बन्द गर्ने निर्णय गरेपछि यहाँका निर्माण कार्य प्रभावित हुने भएका छन् ।सडक,

अब जमीन बाँझो राखे तीन लाख जरिवाना

  अनलाइन तहल्का खेतीयोग्य जमीन बाँझो राख्ने व्यक्तिलाई रु तीन लाखसम्म जरिवाना लगाउने कानून तयार हुँदैछ ।खेतीयोग्य भूमिको दुई तिहाई जमीन बाँझो

असिनासहितको वर्षाको कारण इँटा उद्योगमा करोडौं क्षति

अनलाइन तहल्का लगातार दुई दिनको असिनासहितको वर्षाले सर्लाहीको इँटा उद्योगमा करोडाैको क्षति भएको छ ।यो वर्षको पहिलो हिउँदे वर्षाले सर्लाहीको इँटा