नेकपाको सचिवालय बैठकमा के भयो, सुटुक्क किन आए अख्तियार प्रमुख

अनलाइन तहल्का  
असोज २२, काठमाडौं ।
नेपाल कम्युनिष्ट पार्टी (ने क पा)को सचिवालय बैठक सकिएको छ । सोमबार बिहान प्रधानमन्त्री निवास बालुवाटारमा बैठक बसेको थियो । बैठकमा सहभागि एक नेताकानुसार प्रधानमन्त्री केपी शर्मा ओलीले आफ्नो विदेश भ्रमणबारे बैठकमा कुरा राखेका थिए । सचिवालय बैठक फेरि २४ गते बस्ने गरि सकिएको छ ।
बैठकमा पार्टी एकीकरणका बाँकी रहेका कार्यभार तथा सरकारका विषयमा छलफल भएको बताइएको छ । आजको बैठकमा पार्टी्भित्रको विवादलाई कसरी समाधान गर्ने भन्ने विषयमा पनि छलफल भएको थियो । 
ओलीले बैठकमा आफ्नो संयुक्त राष्ट्रसंघको महासभा बैठक र कोष्टारिका भ्रमणबारे जानकारी गराएका थिए । त्यस्तै, अर्का अध्यक्ष पुष्पकमल दाहाल ‘प्रचण्ड’ले भारत र चीन भ्रमणबारे ‘ब्रिफिङ’ गरेका थिए ।
त्यस्तै बैठकमा माधवकुमार नेपालले अफ्रिकी मुलुक घाना भ्रमण र चीन भ्रमणबारे जानकारी गराए ।
पार्टी प्रवक्ता नारायणकाजी श्रेष्ठ आफैंले चीन भ्रमणबारे बैठकमा ब्रिफिङ गरेका थिए । श्रेष्ठका अनुसार प्रदेश कमिटीको गठन, जिल्ला कमिटी गठन, स्थायी समितिको मिति, पार्टी र सरकार सञ्चालन प्रभावकारी बनाउने र पार्टीको निर्णयमा माग भएको छलफलका विषयमा अर्को बैठकमा छलफल हुने बताए ।
प्रधानमन्त्री ओली विदेशमा भएको बेला अर्का नेता माधवकुमार नेपालले संसद् सरकार र पार्टीको आलोचना गरेका थिए । पार्टी एकीकरण र सरकारका विषयमा पूर्व एमाले समूहमा ठूलो विवाद र आरोप प्रत्यारोपको बाढी चलेको देखिन्छ ।
यसैबीच बैठक चलिरहेका बेला अख्तियार प्रमुख नवीनकुमार घिमिरे र प्रधानमन्त्री ओलीबीच भेटको भएको छ । केहिबेर बैठक रोकेर ओली र घिमिरेबीच छलफल भएको एक नेताले पत्रकारलाई जानकारी दिए । उनीहरूबीच करिब डेढ घण्टा छलफल भएको थियो ।
 

प्रतिकृया दिनुहोस

सहिद, घाईते, अपाङग परिवारका लागी सम्मान गर्ने कार्यक्रम ल्याउनु पर्छ ः मन्त्री ज्वाला 

मिना खड्का  अनलाइन तहल्का फागुन १ सल्यान । तत्कालीन माओवादीले जनयुद्ध सुरु गरेको २३ वर्ष पुगेर २४ वर्ष लागेको अवसरमा नेपाल कम्युनिष्ट पार्टी

संविधान संशोधनको पक्षमा अध्यक्ष प्रचण्ड

अनलाइन तहल्का पूर्वप्रधानमन्त्री एवं नेपाल कम्युनिष्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले मधेसी जनताको हक, अधिकारको पक्षमा

नेविस‌ंघका अध्यक्ष नैनसिंह महरसहित १२ जना पक्राउ

अनलाइन तहल्का   नेपाली काँग्रेसको भातृ संगठन नेपाल विद्यार्थी संघका अध्यक्ष नैनसिंह महरसहित १२ जनालाई प्रहरीले पक्राउ गरेको छ । नेविसंघ अध्यक्ष