म हुँदाहुँदै श्रीमान त अर्कैसँग पल्किएका रहेछन् , चिन्तित छु

म सँधै सोच्थें, मेरो वैवाहिक जीवन ठिकठाक चलिरहेको छ । बिहे भन्दा केहि अघिदेखिनै हामीसँगै थियौँ र विवाहपछि दुई दशक संगै बितायौं । हाम्रा छोराछोरी पनि भए । मेरो श्रीमान एक सफल व्यापारी थिए, जो कामको सिलसिलामा थुप्रै पटक यात्रामा निस्कने गर्थे । त्यसैले म आफ्नो सन्तान हुर्काउन र बढाउनमै व्यस्त रहेँ ।
यद्यपि, उनी प्रत्येक बिदामा घर आउँथे । मैले यसलाई निक्कै सरल र सामान्य सम्बन्धको रुपमा लिएको थिएँ । उनी घरमा हुँदा सँधै खुसी देखिन्थे । यसबाहेक अरु के भइरहेको थियो, त्यसबारे मलाई अलिकति पनि संकेत थिएन । एकदिन अचानक म उनको अध्ययन टेबलमा केही खोज्न पुगे, त्यहाँ उनको ल्यापटप खुल्लै थियो । यसअघि मैले उनलाई कहिल्यै शंका गरिन त्यसैले पनि उनमाथि चियो चर्चो गरिन । तर त्यतिबेला उनको ल्यापटपमा इमेल खुल्ला थियो । एउटा इमेलमा लन्डनको एक होटल रिजर्भ गरिएको देखिएको थियो ।


उसले अघिल्लो दिनमात्रै आफू केही साथीसँग बिदा मनाउन जाने बताएको थियो । मलाई अचम्म लाग्यो, त्यसो भए त किन उनले होटल बुक गरे ? भन्ने प्रश्न उठ्यो मनमा । दिनभरी म त्यही कुराका बारेमा सोचिरहें । साँझ जब म ओछ्यानमा ऊ संगै पल्टिरहेको थिए, मेरो दिमागबाट त्यो कुरा जाँदै गएन । त्यसैले भएभरको साहस बटुलेँ र सोधेँ, उसले किन होटल बुक गर्यो ? तर, जवाफ आएन । उनी मौन हुनुले केही गम्भिर संकेत मिल्थ्यो । आधा घन्टापछि, म उठेँ र सोधेँ, ‘के भइरहेको छ यहाँ ?’ मलाई उसले बोलेको शब्द ठ्याक्कै याद छैन । उसले अरु कसैलाई भेट्न खोजेको थियो र यसप्रति उसले माफी मागेको थियो । म आफ्नो गाउन पक्रेर तल झरँे र बेस्सरी रोएँ । म ऊसँग एउटै कोठामा बस्न सक्ने अवस्थामा थिइन् । मेरो पछिपछि ऊ पनि तल झर्यो । म तिर फर्केर ऊ मेरो अघिल्तिर बस्यो र माफी माग्यो ।

उनले केही समय अगाडिदेखि आफू ट्रिप क्लब जान थालेको बताए, जहाँ उनले एक नृत्यांगनालाई भेटे । ऊ नृत्यांगनासँग नजिकिन थाले र सम्बन्धलाई अगाडि बढाउनका लागि ती महिलालाई भेट्न उनले होटलको कोठा बुक गरेको बताए । त्यसपछि मैले उसलाई सोधेँ, यौनसम्बन्ध पनि राख्ने गर्थ्यौ ? उसले आफूहरुबीच जिस्कनेबाहेक त्यस्तो नभएको बताए ।
म उनीमाथि विश्वास गर्न चाहन्थे । इमेल भेटेको तीन सातापछि मैले उसलाई सोधे, मेरो आँखामा हेरेर भन ती महिलासँग शारीरिक सम्बन्ध भएको थियो कि थिएन ? त्यसपछि उसले आफूहरुबीच यौनसम्बन्ध भएको स्विकार्यो र यो हप्तौँ, महिनौँदेखि चलिरहेको थियो । अहिले म सोच्छु, म उसलाई विश्वास गर्न आतुर थिएँ । म पूरै निराश थिएँ, तर पनि केही आशा थियो, मैले सोचँे, ‘ठिक छ, हामी दुवै मिलेर यसलाई समाधान गर्न सक्छौँ । यो एक अधबैँसे उमेरको खेल हो, हामी यसबाट निक्लने छौँ ।’

यता मेरा महिला साथीहरु हाम्रो बिदा ट्रिपमा मलाई सहभागी गराउन आतुर थिए । त्यसैले मैले सोचेँ, मेरो आफ्नो विचारलाई अघि बढाउन म ऊदेखि केही दिन टाढा रहनुपर्छ । यसबारे मेरा साथीहरुलाई बताएँ । मैले मसँग भएका कुरा आफूमै सीमित राख्न चाहेँ । ती केही दिन निक्कै गाह्रो र तिता थिए । म राम्ररी सुत्न सकिन, न खान नै । फर्केर हेर्दा, त्यो समयलाई मैले कसरी पार गरेँ त्यति दिमागमा छैन ।
जब म घर पुगेँ, धेरै कुराकानी भयो । म धेरै नै रोएँ । तर, सत्य यो हो, कुनै पनि यौनसम्बन्ध राख्नका लागि होटल बुकिङ गरिँदै गरेको इमेलको अगाडि पुग्नु त्यो एक संयोग मात्रै थिएन भन्ने मलाई लागिरहेको थियो । त्यो एक संयोगभन्दा निक्कै परको कुरा थियो । इमेल भेटेको तीन सातापछि मैले उसलाई सोधे, मेरो आँखामा हेरेर भन ती महिलासँग शारीरिक सम्बन्ध भएको थियो कि थिएन ? त्यसपछि उसले आफूहरुबीच यौनसम्बन्ध भएको स्विकार्यो र यो हप्तौँ, महिनौँदेखि चलिरहेको थियो ।

मलाई यी पुरुषलाई हेर्दा लाग्छ, यतिका वर्षसँगै व्यक्तिले कसरी लुकाउन सक्यो यो सब ? मैले कसरी थाहा पाउन सकिन केही गलत भइरहेको छ, भनेर । जुन मान्छेलाई म चिन्छु भन्थेँ उसले आफूलाई जुन कुरामा संलग्न गरायो, मैले कसरी थाहा पाउन सकिन भन्ने कुरा बुझ्न सकिरहेकी थिइन् । मेरो दिमागमा केही सुझिरहेकै थिएन । त्यसपछि मैले सबै मेल हेर्न थालेँ ।
उसले मलाई बताएको समयभन्दा अगाडिदेखिको मिति भेटेँ । अन्य थुप्रै मितिमा होटल बुक गरिएको थियो, एक दुई वर्ष अगाडिका इमेल पनि हेरँे, उसले बताएको कहानीसँग मेल खाँदैन, उसले कहिलेबाट महिलाहरुसँग भेटिरहेको थियो । एकदिन नयाँ मोड आयो, जब हामी बाहिर हिड्न निस्केका थियौं । मैले उसलाई भने, ‘मलाई सबै जान्नुछ । म दबाब दिइरहनेछु, किनकि मलाई लाग्दैन मलाई सबै कुरा थाहा भइसक्यो ।’ मैले उसलाई बैंकको जानकारी, उसका सबै इमेल देखाउन दबाब दिएँ । मैले सत्य कुरा जान्न पाउनुपर्ने बताएँ । त्यसपछि उसले भन्यो, ‘तिमी साँच्चिकै सत्य जान्न चाहन्छौ ?’ त्यसपछि उसले जे भन्यो त्यो निक्कै भयानक थियो मेरा लागि ।

हाम्रो विवाह भएपछि यौन व्यवसायी महिलासँग सम्बन्ध बनाइरहेको, प्रशस्तै अश्लिल फिल्म हेर्ने गरेका, विदेश भ्रमणमा रहँदा स्ट्रिप क्लब, सेक्स क्लब र सेक्स सिनेमा गएको, सबै एक एक गर्दै भन्यो । यी कुरा मैले कसैलाई भनिन्, एक–दुई जना साथीले शंका गर्थे र सबै ठिक छ नि भनी सोध्थे । तर मैले ‘म थाकेको छु, आमालाई सन्चो छैन’ जस्ता बाहना बनाउँथे । ‘म निक्कै हतास थिएँ, मानिसहरु के भन्छन् होला यदि मैले उनीहरुलाई यो कुरा भनेँ, भने । उनीहरु के सोच्छन् होला श्रीमान्को बारेमा र मेरो बारेमा । हाम्रो वैवाहिक सम्बन्धका बारेमा आलोचना गर्छन् होला र कति लज्जास्पद वैवाहिक जीवन सोच्छन् होला, मान्छेहरु श्रीमानलाई खुसी राख्न नसक्ने, नराम्री महिला भन्छन् होला मलाई,’ यस्तै कुरा दिमागमा खेलिरहन्थ्यो ।

 

त्यसो त म एक आत्मविश्वासी महिला हुँ । त्यो अर्धबैंसे उमेरमा केही मोटो हुन, छाला चाउरी पर्नु, बुढी हुँदै जानु स्वाभाविक थियो । तर, यी कुराले मेरो आत्म–सम्मानमा धक्का पुग्यो । मैले अलि बढी मेकअप लगाउन थालँे, जतिसक्दो सुन्दर देखिन प्रयास गरे । मेरो केही तौल घटिसकेको थियो । मलाई केही खाने कुरा खान मन लाग्ने हुन केही समय लाग्यो । केही नयाँ कपडा किनेँ, कपाललाई नयाँ रुप दिए । हिजोआज ऊ (श्रीमान्) राम्रो महशुस गरिरहेको छैन भन्ने मलाई थाहा थियो । उसलाई मेरो सहयोगको खाँचो छ भन्ने लाग्यो । वास्तवमा ऊ बिरामी थियो । जब मैले उसलाई क्लिनिक लगेँ, त्यहाँ उसको व्यवहार हेर्दा उसलाई ‘सेक्स एडिक्ट’ रहेको बताइयो । मैले सोचेँ, ‘ऊ बिरामी छ, केही गलत भइरहेको छ ।’ ‘यो हुनु नै थियो’ भनी आफूलाई आश्वास्त पार्थे । तर, जब ऊ एकपटकको काउन्सिलिङ सेसनबाट आयो, उसले आफूलाई सेक्स एडिक्सन नभएको वा केही खराब बानी मात्रै भएको बतायो । तर, मलाई उसको यो भनाई सुन्न गाह्रो भयो, दुई–तीन दिनसम्म असर पुर्यायो ।

 

जब हामीले ‘म्यारिज गाइडेन्स’ को सहयोग लिन थाल्यौँ, विस्तारै सुधार आउँदैथ्यो । उसको एउटा कुरा राम्ररी सम्झन्छु, मैले सत्य थाहा पाउनुअघि उसको जीवन अँध्यारो सुरुङभित्र रहस्य बोकेर लुकाउँदै र झुटो बोल्दै हिड्नुजस्तै भएको बताएको थियो । अहिले ऊ सुरुङको अन्तिम विन्दुमा आशाको मधुरो किरण देख्छ । र म उसलाई हेरेर सोच्छु, ‘यो तिम्रो लागि राम्रो हो, तर म अँध्यारोमा छु, मेरा लागि सबै कुरा अँध्यारो र मधुरो छ र अहिले म रहस्य बोकेर हिँडेको छु, किनकि म कसैलाई के भइरहेको छ भन्न सक्दिन ।’ त्यो निक्कै अन्यायपूर्ण थियो भन्ने महशुस गर्छु । अहिले हाम्रो वैवाहिक सम्बन्ध विगतमा भन्दा राम्रो छ, सुन्दा अचम्म लाग्नसक्छ, तर हामीले ‘म्यारिज गाइडेन्स’ सँग केही महिना बितायौँ । हामी पहिलेको भन्दा बढी खुल्छौँ एक–अर्कामा । हामी धेरै कुरा गर्छौ, विशेषगरी महशुस, स्नेह, प्रेमका कुरा गर्छौ ।

अहिले पनि कहिलेकाही आफूलाई कमजोर पाउँछु । हाम्रो वैवाहिक सम्बन्ध र मेरो भावना उल्टो चलिरहेको छ । के म उसलाई माफ गर्न सक्छु होला ? थेरापिस्टसँग मैल धेरैजसो कुरा गरेको विषय यही हो र मलाई थाहा छैन, माफी दिने के हो । मलाई लाग्दैन, म उसलाई माफी दिनसक्छु । उसले दिएको चोट गहिरो छ । तर पनि म ऊसँग हुन चाहन्छु, म उसलाई प्रेम गर्छु र ऊसँगको जीवन राम्रो लाग्छ । के यसलाई माफी दिनु भनिन्छ ? मलाई थाहा छैन । हामी एक–अर्कासँग सहज छौँ, हामी एक असल साथी हौँ, म अझै पनि उत्तिकै माया गर्छु र उसले पनि त्यसरी नै सधैं माया गरेको बताउँछन् । म मेरा छोराछोरीलाई लिएर चिन्तित छु, उनीहरुले आफ्नो पितालाई दिने सम्मान गुमाइसके भन्ने लाग्छ । बीबीसी

प्रतिकृया दिनुहोस

हजार किलोको फर्सी फलाएर राखे किर्तिमान

अनलाइन तहल्का अमेरिकाको सनफ्रान्सिस्कोमा भएको फर्सी प्रतियोगितामा राखिएको १ हजार ७० किलो तौल भएको फर्सीले अमेरिकाको इतिहासकै वजनदार फर्सीको

प्रेमीको हत्या पछि पाकिस्तानीलाई मासुको भोज 

अनलाईन तहल्का   मोरोक्कोकी एकजना महिलाले आफ्ना प्रेमीको हत्या गरी उनको शरिरका भागहरू संयुक्त अरब इमिरेट्समा कार्यरत पाकिस्तानी श्रमिकहरूलाई

अमेरिकी अस्पतालमा बन्दुकधारीको आक्रमणबाट एक डाक्टरसहित चारको मृत्यु

अनलाइन तहल्का     अमेरिकी शहर शिकागोमा अवस्थित शिकागो अस्पतालको सवारी पार्किङस्थलमा भएको विवादपछि भएको गोली काण्डमा एक डाक्टर र प्रहरी