अमेरिका–इरानको सम्बन्ध थप तनावपूर्ण, यस्तो छ ट्रम्प र रुहानीको चेतावनी

काठमाडौं, साउन ७ । अमेरिकी राष्ट्रपति डोनाल्ड ट्रम्प र इरानी राष्ट्रपति हसन रुहानीले शत्रुतापूर्ण चेतावनी दिएपछि दुई मुलुकको सम्बन्धमा थप तनाव बढेको छ । इरानी राष्ट्रपति रुहानीले अमेरिकाको शत्रुतापूर्ण नीतिप्रति कटाक्ष गर्दै इरानसँगको युद्ध सबैभन्दा ठूलो युद्ध हुने चेतावनी दिएका छन् ।

उनले अमेरिकी राष्ट्रपति ट्रम्पलाई ‘बाघको पुच्छर’सँग नखेल्न र यसबाट केबल पछुतोमात्र हुने चेतावनी दिए । तेहेरानमा सम्बोधन गर्दै रुहानीले इरानसँगको शान्ति सबै प्रकारको शान्तिको जननी र युद्ध पनि सबै प्रकारको युद्धको जननी भएको अमेरिकाले बुझेको बताए ।

इरानलाई कसैले धम्काउन नसक्ने उनले जिकिर गरे । इरानलाई तेल निर्यात गर्न नदिएर ट्रम्पले आफ्नो हितको लागि पूरै विश्वलाई जोखिममा पारेको इरानी राष्ट्रपति रुहानीको भनाइ थियो । उनले अमेरिकी नीति मुलसमानविरोधी भएको आरोपसमेत लगाए ।

इरानको यस्तो धम्कीपछि अमेरिकी राष्ट्रपति ट्रम्पले ट्वीटरमार्फत् ‘अमेरिकालाई कसैले पनि दोस्रोपटक धम्की नदिनू’ भन्दै यस्तो भएमा इतिहासमा पहिला कहिल्यै नभोगेको परिणाम भोग्नुपर्ने चेतावनी दिए ।

अमेरिका अब धम्की सुन्ने देश नभएकाले सावधान रहन उनले इरानलाई ट्वीटरमार्फत् सचेत गराएका छन् । इरानको परमाणु कार्यक्रमलाई लिएर अमेरिकाले नयाँ प्रतिबन्ध लगाएको छ । जसका कारण विश्वमै तेल आपूर्तिमा कमी आउनसक्ने अनुमान गरिएको छ । गत मेमा इरानसँगको आणविक सम्झौताबाट अलग्गिएपछि अमेरिकाले नयाँ प्रतिबन्ध लगाएको हो । (एजेन्सी)

प्रतिकृया दिनुहोस

हजार किलोको फर्सी फलाएर राखे किर्तिमान

अनलाइन तहल्का अमेरिकाको सनफ्रान्सिस्कोमा भएको फर्सी प्रतियोगितामा राखिएको १ हजार ७० किलो तौल भएको फर्सीले अमेरिकाको इतिहासकै वजनदार फर्सीको

प्रेमीको हत्या पछि पाकिस्तानीलाई मासुको भोज 

अनलाईन तहल्का   मोरोक्कोकी एकजना महिलाले आफ्ना प्रेमीको हत्या गरी उनको शरिरका भागहरू संयुक्त अरब इमिरेट्समा कार्यरत पाकिस्तानी श्रमिकहरूलाई

अमेरिकी अस्पतालमा बन्दुकधारीको आक्रमणबाट एक डाक्टरसहित चारको मृत्यु

अनलाइन तहल्का     अमेरिकी शहर शिकागोमा अवस्थित शिकागो अस्पतालको सवारी पार्किङस्थलमा भएको विवादपछि भएको गोली काण्डमा एक डाक्टर र प्रहरी